政府驗車最易FAIL位 資深汽車師傅公開實戰經驗

每年政府驗車，總有人心驚驚怕唔PASS。  今次AutoMate邀請我地車房師傅，同大家拆解幾個最易中伏嘅位。幫你穩穩陣陣過關，唔使白行一轉！

煞車系統唔夠力 分分鐘過唔到 Brake Test

政府驗車其中一個重點測試，就係睇左右煞車有冇失衡。如果你嘅「迫力皮」或「迫力碟」已經磨得七七八八，又或者「迫力油」老化冇換過，就好大機會制動力唔平均，甚至出現偏斜。唔止過唔到驗車，仲會影響行車安全！

師傅經驗話你知，最好每年檢查一次「迫力皮」同「迫力碟」。「迫力油」最少兩年換一次，如果變色或者入水，就算未到兩年都應該換。平時聽到剎車聲怪怪哋，或者踩落去冇力? 唔好等，早啲入場檢查。

底盤滲油、避震唔掂 安全大隱患

香港大部分路況唔算太差，但有時行龍翔道、山路都幾傷底盤。政府驗車會睇避震有冇漏油、懸掛部件有冇鬆脫，底盤有冇嚴重鏽蝕。如果避震彈力唔夠，好似坐船咁「浮下浮下」，都幾危險。

師傅提提你，平時每年做一次底盤全面檢查，尤其係去完啲爛地之後，更加要留意避震同結構有冇問題。

排氣污染爆錶 驗車標準唔達標

政府會用機器實測尾氣排放，包括CO（二氧化碳）同HC（碳氫化合物）指數。如果引擎燃燒唔夠完全或者空氣濾芯塞晒，污染就會爆錶，直接被FAIL。

所以唔好慳呢啲錢，定期換氣隔，平時入油都記得揀啱標號。如果 Panel 突然著 Check Engine 燈，好多時係O2 Sensor、冷氣壓力、點火系統、甚至波箱訊號，千祈唔好無視！做個電腦診斷，可以搞清楚邊度出問題。

車牌玩花樣 小心玩出禍

有啲車主會整型仔車牌，結果一到驗車就中伏。政府規定車牌要用認可字體、反光底同固定字距。如果字體太花太幼、冇反光或者同政府規定唔同，都會過唔到關㗎！

所以AutoMate做政府驗車，都一定會幫車主Check埋車牌。 如果有問題，要即刻整返個正規車牌，大家都要留意呀。

黑玻璃唔合規 合法都未必合格

貼黑玻璃係唔少車主嘅選擇，又檔到下太陽又私隱度高風，但記住政府對透光率有硬性規定 - 前擋風玻璃要達到75%以上透光，側窗則要有70%以上。而且你要攞得出供應商提供嘅「透光率測試證書」正本。

驗車中心會用儀器逐塊玻璃 Check 透光率，好多車主以為貼得啱就夠，結果驗車時冇證書被即場打回頭。記住！合法唔等於合格，有證書先過到關。

跟住以上幾個位逐個Check，驗車當日自然安心PASS。有咩唔明或者想搵人幫手做驗前檢查，歡迎搵我哋嘅專業團隊做好檢查同維修，再代辦政府驗車！立即 WhatsApp 查詢或預約！