【養車攻略】幫你慳錢平養車
Logo

AutoMate / Blog / 【養車攻略】幫你慳錢平養車

【養車攻略】幫你慳錢平養車

2021年3月9日

無論你為了家人抑或自己而買車,在香港養車往往被標籤為奢侈甚至敗家。如果你想慳慳地養到車(慳錢是美德,非窮人專利),首要了解兩大重點貼士,這樣自然能以最低成本養車:

1. 自己做到就自己做

2. 自己做唔到就搵人平做

點慳汽車美容錢?

這一部分最容易實行慳錢養車法。

  • 洗車

想慳錢的話,這些恒常功夫當然自己做吧。按此速讀自己洗車程序及 7 個自己洗車貼士 →

然而,如果你工作較繁忙、怕污糟、找不到水源或合法洗車地點,你可以在洗車屋、油站、汽車服務社企洗車,價錢有平有貴,有些服務更提供內籠吸塵,用 AutoMate 自然能比較各個車房價錢,更有預算。

  • 打蠟

打蠟同樣可以自己辦妥,輕鬆減省養車成本。然而如果你是完美主義者,你可能要請汽車美容公司代勞,一般單次收費 $1,000 以上,如果價錢太低,質素未必可靠,有機會越打越花。

而汽車鍍膜技巧較高,較難 DIY,建議車主將此交托給專業美容公司。不過市面上的鍍膜服務價錢同質素非常參差,收費由千幾蚊至過萬蚊不等,即使價錢相若,效果都可以差好遠,所以比較鍍膜服務時,最後參考其他用戶評價。AutoMate 為你整合以下三大有關汽車鍍膜文章:認識汽車鍍膜鍍膜的三大迷思、 打蠟 vs 鍍膜比較

點慳油錢?

你買車的一刻,已經斷定了座駕的耗油量,最厲害的車房師傅都不可能將一部「大咬」車變成「慳油」車。最好的方法必定是申請油卡賺取入油回贈,或留意哪一張信用卡提供入油優惠。

點慳泊車錢?

揸得出街就要泊,無得慳。雖然房委會旗下屋邨停車場時租收費大約HK$13至HK$17、領展旗下停車場一般要HK$17以上,但假如你前往的地方,步行距離內(行10分鐘好盡啦)無得泊街、無屋邨停車場又無領展停車場,只有商場時租車位(時租一般HK$20至HK$25),你根本沒有選擇。

而月租方面,私人屋苑或領展旗下停車場月租收費差距好大,港島同九龍月租租金比新界貴,不少車位不足的大型屋苑月租車位叫價HK$3,000至HK$3,800。就算係房委會旗下屋邨停車場,收費會按照出租率同地區劃分,年年加租。以有蓋固定車位為例,出租率達90%以上的停車場,2020年月租HK$2,890,屯門、元朗、天水圍、東涌同類車位就較划算,月租HK$1,640。

點慳保養維修錢?

正所謂「自己做到就自己做」,想慳錢就要自己處理小問題(大問題就最好搵可靠有信譽專業車房處理)。

外觀、內籠、引擎、底盤、機械、電子,樣樣博大精深,如果你認為自己親手整是一種樂趣,自然慳得特別開心。

點慳保費?

香港法例規定,在香港路面行走的汽車必須購買第三者責任保險(三保),否則即屬違法,最高罰款$10,000及監禁12個月。不過,綜合汽車保險(全保)就非必須。想慳錢,唯有捨棄全保,只買第三者保險。

無可否認,在香港養私家車是一件頗為中產的事,但緊記要在方便、享受、慳錢取得平衡,應用則用,應慳則慳。否則,你會失去買車養車的意義及樂趣。