AutoMate – 汽車服務定價及報價
Logo

AutoMate / Tips / 洗車冷知識

洗車冷知識

#洗車
#汽車美容
  1. 好多車主會去汽車用品店大曬金錢買好多清潔用品去用,但其實如果用法不當,除咗唔能夠除污之餘,仲有機會傷及車身表面。要有效清潔車身,不一定要買最昂貴的外國用品,只要是汽車專用的清潔劑及幾條乾淨的毛巾就可以。

  2. 盡量唔好揀猛太陽嘅天氣洗車,尤其是夏季嘅正中午,因為過於炎熱天氣,泡沫好快就會乾,可能會導致清潔劑快速風乾,進而令化學成分殘留喺車身外部,當車身水滴被強光直曬後,好容易造成車漆褪色變黃。

  3. 洗車順序好重要,要「由上而下」,並先預洗一次,因為車身上可能會沾有好多沙粒,如果直接進行擦洗,呢啲沙粒好可能會磨損車漆,所以要先用強力水柱沖洗車身,將大部分灰塵同泥沙洗走,再使用洗車精進行細部清潔,如果無預洗程序直接用海綿洗,肯定會刮傷車身。

  4. 抹車毛巾要用「拖」,唔好「打圈」,因為後者會容易起蜘蛛紋。

  5. 最後車身一定要用柔軟且易吸水的布擦乾先叫完成,如果水乾咗喺車身上會留低氯斑,就好等於無洗過。

  6. 引擎未Cool Down就直接洗,車身表面會一直處於高溫,直接沖水都會傷到車漆,輪圈都係一樣,高溫嘅輪圈、制動系統直接用水沖洗會出現冷縮熱漲,煞車碟都可能會有受損,某程度上會影響行車安全。