雨季駕車都少不免會遇到路面水浸，無辦法之下都要硬闖，但就有少少嘢記得要留意：

1. 可以的話，咁大雨就唔好揸車啦

2. 高速公路盡量行中線避開水氹

3. 如果前面有水氹又一定要過，唔好畀油亦唔好煞車，放開油門行，可以減低失控機會，亦減少對附近行人造成嘅影響

4. 遇上水浸，可以的話都唔好過，尤其如果已經見到前車死火就千祈唔好搏

5. 如果一定要經過水浸位置，請盡量提高引擎轉數避免由死氣喉位置入水，建議入 1 波（或自動波L波），過水時切勿停車，必需一次過行到無水浸位置

6. 返到停車場泊車，請運行數分鐘先熄匙，減少機件內水份積聚