揸車時有好多人都會留意到軚盤喺直線駕駛時會一路向一邊傾側，就算用手一直按住，都會感覺到某一隻手壓力比另一邊大。

呢個時候，輪胎可能出現某程度上嘅漏氣，可按滲漏情況慢駛或停靠一邊。

停埋一邊之後，如果有量度胎壓工具，可以檢查一下數字上有無急速下降，或者已經去到一個極低嘅水平。如果胎壓仲喺較安全嘅壓力 (25psi) 以上，就可以按情況及距離駛到最近的車房檢查、補胎、換胎。如果已經到達極低水平，就應該致電拖車公司，避免繼續行駛，因小失大。